Kapiten fudbalske selekcije Srbije, Dušan Tadić, govorio je za medije nakon pobjede nad Litvanijom u Kaunasu, gdje je odigrao 100. meč za Srbiju.
‘Orlovi’ su slavili sa 1:3 i ponovo su na diobi prvog mjesta u grupi G kvalifikacija za Euro 2024.
”Najbitnije je da se pobjeđuje. Htjeli smo da pokažemo reakciju, dobru igru Srbije, poslije onog poraza od Mađarske. Tako je i bilo u prvom poluvremenu. Dali smo jedan gol, pa drugi, treći, nismo htjeli da stanemo. Malo nas je presjekao primljeni pogodak, pa potom nijesmo uspjeli da damo i željeni četvrti, peti.” rekao je Tadić.
💯🇷🇸 @DT10_Official #LTUSRB #EURO2024 pic.twitter.com/GFejSSvncI
— Fudbalski savez Srbije | FA of Serbia (@FSSrbije) September 10, 2023
Na ovom meču upisao je svoju 38 asistenciju u dresu nacionalnog tima.
”Nije loše, ali eto, nijesam ih brojao. Najvažnija mi je pobjeda. Mi moramo otići na Evropsko prvenstvo, poslije dugo vremena.” prokomentarisao je igrač Fenerbahčea.
Potom je upitan da uzabere koja mu je najdraža utakmica od tačno 100, koliko ih je imao u državnom dresu.
”Nemam omiljenu jer kada igrate za državni grb, svaka utakmica je posebna. Nije fraza niti budalaština. Kada izađeš na teren i čuješ himnu, ponosan si, to je poseban osjećaj.” zaključio je Tadić.
