Gvardiola: Nećemo ubjeđivati Silvu da ostane

Trener Mančester sitija Pep Gvardiola rekao je da niko ne može ubijediti igrača Davida Silvu da ostane u klubu.

Silva će na kraju sezone, poslije 10 godina, otići iz Mančester sitija. On je osvojio četiri šampionske titule u Premijer ligi, dva FA kupa, pet trofeja u Liga kupu i tri Komjuniti Šilda.

Siti je sinoć pobijedio Bornmut sa 2:1, a Silva je postigao gol iz slobodnog udarca i asistirao Gabrijelu Žezusu kod drugog kola.

“Odlučio je da ode, on je to rekao mnogo puta. Mislim da želi da završi poslije 10 sezona. U nevjerovatnoj je formi otkako smo se vratili poslije pauze. Odigrao je još jednom izuzetno i ponovo je bio strijelac, dva puta uzastopno postigao je fantastične golove”, rekao je Gvardiola, prenio je BBC.

Gvardiola je izrazio nadu da će se na kraju karijere Silva vratiti u Mančester na oproštajnu utakmicu.

Silva je do sada odigrao 431 utakmicu za Siti i postigao 76 golova. Otkako je debitovao u Premijer ligi u avgustu 2010. godine napravio je 93 asistencije.

Imao je najmanje 10 asistencija u četiri različite sezone, što je u posljednjoj deceniji uspjelo samo Kristijanu Eriksenu.

Sa 34 godine i 189 dana, Silva je treći najstariji fudbaler u Premijer ligi koji je imao 10 asistencija u jednoj sezoni, poslije Denisa Bergkampa koji je imao 35 godina i 263 dana u sezoni 2004/2005 i Paola Di Kanija, koji je u sezoni 2003/2004 to uspio sa 35 godina u 262 dana.

4 Komentara

    Sjajan igrac, nevjerovatan osjecaj za pas, vizija cista desetka, uzivanje je gledati Silvu kako igra, djeluje tako jednostavno a ustvari je jako tesko. Naklon za majstora.

    Odgovori

    Nesto ne stima kako treba,dok Silva zeli da ode iz kluba nakon 10 godina..

    Odgovori

    A ovi nemaju namjeru kako kazu da ga “natjeraju” na bilo sta… Pa, vidjecemo sta ce biti… I meni tu nesto ne štima…

    Odgovori

    Silva vrhunski igrac … igra kao da mu je 24 a ne 34 god..

    Odgovori

Postavi odgovor