Legende Juventusa zamjerile Ronaldu

Velika prašina digla se oko povratka Kristijana Ronalda na Old Traford, dok mediji i dalje bruje o tome, nijeme nisu ostale ni legende Juventusa.

Portugalac je pred kraj prelaznog roka pored dosta spekulacija o mogućem ostanku u Juventusu, ipak riješio da ponovo obuče dres Mančester junajteda.

Kao što je i za očekivati simpatizerima “Stare dame” nije se svidjelo što jedan od najboljih fudbalera svijeta napušta njihov tim.

Na odlazak Ronalda nisu ostale imune ni legende kluba iz Torina – Alesio Takinardi i Serđo Brio, koje Portugalcu zamjeraju način na koji je otišao.

– Ronaldo je trebalo da ode na drugi način, ne privatnim letom dok je Alegri pričao sa timom pred meč sa Empolijem. Očekivao sam konferenciju za medijie kako bi rekao zbogom navijačima. Zaslužili su nešto drugo. Nema više legendi kao što su Del Pjero, Toti, Maldini ili Zaneti, ali nije bilo lijepo čuti Ronalda kako kaže da se vraća na mjesto koje zove svojom kućom – izjavio je Takinardi za “Tutosport”.

Naglasio je i posljedice odlaska “gol mašine” zvane Ronaldo.

– Ostavio nas je u teškoj situaciji, otišao je par dana pred kraj prelaznog roka, nemoguće je zamijeniti gol mašinu poput njega – dodao je Takinardi.

Dok je Serđo Brio zamjerio portugalskom reprezentativcu manjak poštovanja koji je pokazao prema Juventusu.

– Juventus zaslužuje više poštovanja, nisao očekivao da se tako ponaša prema klubu. Nije to bilo lijepo od njega. Ja sam oduvijek lijepo pričao o tri kluba za koje sam igrao, Juventusu, Lećeu i Pistojezeu jer su me doveli i vjerovali u mene. Kristijano je veliki profesionalac ali je njegov odlazak morao da bude drugačiji – poručio je Brio.

Postavi odgovor