MURINJO LJUT NAKON VERONE: Moji igrači zaslužuju više poštovanja

Trener Rome Žoze Murinjo bio je vidno neraspoložen na konferenciji za medije zbog odnosa pojedinih navijača i novinara prema njegovoj ekipi.

U pobjedi nad Veronom 1:0, Vučica je nastupila bez povrijeđenih Dibale i Pelegrinija, a Tami Ejbraham je posle samo petnaest minuta napustio teren jer je dobio udarac u oko.

Poslije meča, Murinjo je svoj tim okupio u timskom zagrljaju na terenu i tu održao govor, umjesto u svlačionici.

„Čestitao sam svima koji su pobijedili, a to su bili svi oni! Timski duh, nevjerovatna požrtvovanost i jako dobra igra protiv Verone koja je dobra u tome da kvari protivničku igru“, rekao je Murinjo i dodao:

“Karsdorp nije igrao više od dva mjeseca, Spinacola se vraća posle povrede, Bove je prošle sezone igrao na plastičnom terenu, Beloti je igrao samo tu i tamo, Solbaken tek upoznaje naš tim taktički, El Šaravi nije igrao dvije uzastopne utakmice godinama, a sada igra četiri-pet u nizu dok nije potpuno iscrpljen… Zalevski igra desno, lijevo, napadačima se takođe mijenjaju mjesta. Mislim da ljudi ne prepoznaju koliko ovaj tim zaslužuje“.

Zatim se lično obratio i prisitnim novinarima.

“Ni vi iz medija ne pomažete. Drugi su fenomeni, a mi smo pobijedili jer smo imali sreće ili smo dali gol iz prekida. Ja sam star, imam 60 godina i mnogo trofeja, meni ne trebaju lijepe reči, ali ovim momcima su potrebne, potrebna im je pohvala. Nisam ovdje da kritikujem bilo koga, navijači mogu da kritikuju mene kao trenera, ali ja moram da zaštitim svoje igrače, oni zaslužuju više“, zaključio je trener Rome.

Roma je trenutno treća na tabeli Serije A sa 44 boda, tri manje od Intera i 18 manje od Napolija.

Postavi odgovor