Ataman nije prežalio prekid sezone Evrolige

Ergin Ataman, trener košarkaša Anadolu Efesa, još uvijek nije prežalio prekid sezone Evrolige u momentu kada je njegova ekipa bila lider.

Zbog situacije sa virusom COVID-19, bord Evrolige je donio odluku da se sezona završi bez proglašenja šampiona, što je naročito teško palo Turcima, koji su do prekida bili najbolja ekipa.

Prema Efesu je učinjena jedna od najvećih nepravdi u istoriji sporta. Imali smo dvije pobjede više od najbližeg rivala na samo 6 mečeva do kraja ligaškog dijela takmičenja. Bili smo prvi favorit za titulu.

Atamanu je naročito zasmetalo što se sezona nije okončala na terenu, poput fudbalskih i NBA lige.

U to vrijeme, prava odluka je bila da se zaustavi takmičenje. Ali nije bilo validnog objašnjenja da se okonča sezona. Pogotovo kada vidimo kako se sve odigralo u NBA i fudbalskim ligama. Velika je nepravda učinjena prema nama. Nema garancija da bismo bili šampioni, ali trebalo je makar da izgubimo na terenu – naglasio je Ergin.

Kako je planirano, nova sezona bi trebala početi u oktobru.