Legendarni centar Njujurok Niksa, Patrik Juing, prokomentarisao je današnji stil košarke koji se igra u NBA ligi.
Patrik Juing je u NBA proveo 17 sezona, i za to vrijeme prosječno bilježio 21 poen i 9,8 skokova.
Od 1985. do 2000. nastupao je za Nikse, da bi poslednje dvije sezone igrao za Orlando i Sijetl Supersonikse.
Čuveni košarkaš govorio je o načinu na koji se igra košarka u NBA ligi, ali i o nedostatku kvalitetnih centara.
– U današnjoj NBA ligi nema mnogo dobrih centara. Da ja igram u ovoj eri, bio bih dominantan kao Majkl Džordan u moje vrijeme. Dosta toga se promijenilo, košarka se promijenila, način na koji ekipe igraju. Većina viskoih igrača sada se otvara u širinu i šutiraju trojke, umjesto da igraju leđima ka košu na niskom postu – izjavio je Juing.
Patrik je u svojoj karijeri ukupno odigrao 1.183 utakmice.
Čuveni centar ostaće upamćen kao jedan od najboljih igrača svih vremena koji nije uspio da osvoji naslov prvaka NBA lige.