Visent Poarje: Ako treba da se vratim u Evropu, vratiću se

Visent Poarje je dobio otkaz u Njujork Niksima i sada razmišlja o nastavku karijere.

Nakon što je postao slobodan agent jer su ga otpustili Niksi, Poarje ne otpisuje povratak u Evropu jer, kako kaže, želi da dođe u klub gdje može ponovo igrati košarku.

“Ukoliko je potrebno da se vratim u Evropu, vratiću se. Samo želim da igram. Ali trenutno sam u Filadelfiji. Našao sam teretanu gdje trenira i imam trenera kojeg mi je poslao agent. Nije 5 na 5 ali je tako kako je.” rekao je Poarje.

Visent se osjeća razočaranim jer misli da nije imao šansu da se dokaže, ni u Bostonu ni u Filadelfiji.

“Frustrirajuće je jer nikada nisam imao šansu da pokažem šta mogu. Ali svi znamo da je NBA svijet za sebe. Igrao sam u dvije franšize gdje su timovi bili već oformljeni. Moraš biti u pravo vrijeme na pravom mjestu, ali nekada dođe do toga da ne bude nikakve prilike. U ovim situacijama smo potpuno bespomoćni, ali je to i dalje dobro iskustvo. NBA mi je bio cilj ali ne želim da ostanem ovdje samo da bih bio tu. Želim da imam mjesto u timu i minute, ukoliko ih nemam, ukoliko me NBA ne želi, neću ostati.”

Postavi odgovor