Scott Coker o Fedoru Emelianenku i njegovo potencijalnom povratku u oktagon.

Scott Coker, prvi čovjek Bellatora izjavio je da bi se Fedor trebao vratiti u oktagon naredne godine.

Fedor Emelianenko je poslednji put nastupio prije gotovo godinu dana. On je po mnogima najveći borac svih vremena, a kako kaže Scott Coker, predsjednik Bellatora, njegov poslednji ugovor sa Bellatorom je njegova oproštajna turneja.

Mnoge MMA fanove zanima gdje je zapelo i zašto se Fedor nije ove godine borio, uzimajući u obzir da kao 44godišnjak u poznim godinama za jednog borca suludo je ono što je Scott Coker izjavio a to je da Fedor ima veliku želju za borbom.

“Fedor me konstantno zove i pita kad će se boriti. Tu imamo problem što zaista želimo da se on bori tek kad budemo imali publiku. No, to je isto tako poseban izazov. Uskoro ćemo morati donijeti odluku i pokušati riješiti vize za sve borce, a to je bilo teško tokom ovog tranzicijskog perioda. Moramo još malo pričekati i vidjeti kako će se sve odviti i onda ćemo donijeti odluku o tome kad će se on boriti. No, 2021. godine boriće se sigurno, bez obzira na sve. On svakako mora nastaviti boriti se”, izjavio je Scott Coker.

U svojoj bogatoj profesionalnoj MMA karijeri Fedor Emelianenko je ostvario 39 pobjeda i šest poraza. A Bellatoru je pristupio 2017. godine.

Postavi odgovor