Zvereva ni zemljotres nije poremetio!

Njemaci Aleksandar Zverev i Dominik Kepfer igrali su meč na turniru u Akapulku, a zatim je taj region je pogodio zemljotres.

Na početku drugog seta pri rezultatu 40:15 za Kepfera zemljotres 5.7 Rihterove skale pogodio je meksičku državu Gerero, a epicentar je bio na samo 30 kilometara od Akapulka u kojem se održava teniski turnir.

Teniseri u trenutku nijesu ni znali šta ih je snašlo, iako je cijeli stadion poprilično bio zadrman. Oni su bez poteškoća i velikog stresa nastavili sa igrom, da bi na kraju meča slavio je Zverev sa 2:0 u setovima, a nakon pobjede je izjavio da nije osjetio zemljotres.

-” Nijesam znao šta se desilo. Nije znao ni Dominik. Samo smo čuli publiku. Pretpostavljam da su svijetla počela da se tresu i publika je to osjetila više od nas. Trčali smo po terenu, pa smo igrali poen tokom zemljotresa. Nijesmo osjetili mnogo toga, ali se očigledno desio. Bio sam svjedok toga, pretpostavljam da je to normalno ovdje.” – rekao je Zverev nakon meča.

Postavi odgovor