Trener Bajerna, Tomas Tuhel, je izjavio da nema namjeru da se predomisli i ostane u klubu nakon ove sezone.
Tuhel se u februaru ove godine dogovorio sa čelnicima kluba o prekidu saradnje na kraju sezone, nakon čega je uslijedila potraga za njegovog nasljednika.Bajern još nije uspio da nađe novog trenera, jer ga je u međuvremenu odbio Ćabi Alonso, Julijan Nagelsman i Ralf Rangnik.
Pojedini njemački mediji su objavili da bi se Tuhel mogao predomisliti, što je trener odmah demantovao: “Pretpostavljam da su to radili i prije nego što smo napravili dogovor.To je veoma loše za mene da dođu i kažu: ‘Opet ćemo da pokušamo sa tobom’.Ne, što se mene tiče, ta priča je završena, sve je jasno.”
Bajern je trenutno na drugom mjestu na tabeli Bundeslige sa 12 bodova manje od prvoplasiranog Bajera iz Leverkuzena. U srijedu će gostovati Realu u revanš duelu polufinala Lige šampiona.
REGISTRUJTE SE uz promo kod SPORT i prva doza bonusa dolazi odmah nakon toga!
