Košarkašice Budućnost Bemax spremne su za novu sezonu, a na otvaranju WABA lige igraju protiv Triglava.
Prvi meč će igrati pred domaćim navijačima u Bemax areni.
“Na startu nas očekuje meč protiv Triglava, ekipa protiv koje nisam igrao od kada sam trener Budućnosti, ali očekujem ono što igraju sve ekipe iz Slovenije, a to je dosta trčanja, dosta udvajanja, dosta presinga. Ali, pokušavam da objasnim igračicama, da uvijek kada igramo u Podgorici protiv bilo koje ekipe mi smo favoriti”, kazao je trener Vladan i dodao:
“Triglav je nepoznanica, doveli su Amerikanku na poziciji 5, imaju iskusnog pleja, uz par mladih i juniorskih reprezentativki Slovenije. Iako smo mlađi, jer najstarija igračica kod nas ima 23 godine, vjerujem da ćemo nametnuti ritam da se mi pitamo i da ćemo ponovo biti tim koji ne zavisi od jedne igračice, već da imamo uvijek sedam-osam koje mogu da daju doprinos”.
Meč se igra sjutra u terminu od 17:30h.
Adnan
bravo cure samo naprijed zelim vam uspjeh i dobre rezultate