Željko Obradović, trener košarkaša Partizana, nakon poraza njegove ekipe protiv SC Derbija, bio je vidno iznenađen.
Košarkaši SC Derbija pobijedili su “crno-bijele” – 83:84, u prvom meču plej-of serije ABA lige
“Da, 0:1 je za njih, čestitam SC Derbiju, u najavi sam rekao da uvijek pripremaju dobru utakmicu protiv nas, bar ovo što smo igrali. Ušli smo ležerno i zahvaljući tome smo izgubili, nevjerovatan je podatak da u zadnjih pet minuta je bilo 11:4 za njih, kad se lomila utakmica i sa iskustvom koje imamo, to je nemoguće. Primali smo sve, ali eto, dogodilo se. Vode 1:0, čeka nas tamo utakmica, na nama je da vratimo seriju u Beograd”, rekao je Obradović
Protivnik je imao 20 skokova više od Partizana.
“Nema drugog objašnjenja osim ogromne želje, ja treba da odem i pitam da li oni individualno znaju neke igrače, to je suština. Da li smo mi pripremili utakmicu, da smo vodili računa, da smo dali podatke, da u situaciji kad nemaš bonus, da gledaš igrača koji šutira trojku ili da gledaš igrača koji ide na skok. Tako da, to je evidnetno… Napravićemo analizu, pa ćemo vidjeti”, dodao je Obradović.
