Poreč kup: Omladinska futsal selekcija savladala Moldaviju 7:0

završila je nastup na Poreč kupu u Hrvatskoj pobjedom protiv vršnjaka iz Moldavije.

Pobjeda za kraj turnira u Poreču nakon tri vezana poraza protiv jako kvalitetnih ekipa Hrvatske, Ukrajine i Poljske. Naši omladinci nadigrali su rivale iz Makedonije i sa sedam golova završili nastup na izuzetno jakom turniru. Selektor Sveto Ljesar je istakao da su njegovi igrači odigrali najbolji meč na turniru i da je ovaj Poreč kup poslužio za selekciju igrača za sljedeće reprezentativne obaveze.

– Naša najbolja utakmica na turniru. Dominirali smo tokom čitavog meča i zasluženo slavili. Turnir je bio jako kvalitetan, ove godine najjači u Evropi za ovo godište i, kao uvijek kada je u pitanju ,,Futsal week“, odlično organizovan. Mi smo odigrali pet jakih utakmica u šest dana, što će nam itekako pomoći oko selektiranja ekipe za kvalifikacije koje nas očekuju u novembru, rekao je Ljesar.

Pobjeda protiv Moldavije bila je dovoljna za sedmo mjesto na turniru a u posljednjoj utakmici posebno su se istakli dvostruki strijelci Željko Lješković i Nikola Mijušković dok su mrežu golmana gostiju pogađali i David Puletić, Kenan Tofić i Pavle Vukčević.

MOLDAVIJA – CRNA GORA 0:7

Sportska dvorana Finida, Poreč.

Sudije: Žilijen Lang (Francuska), George Jansizijan (Švedska).

Strijelci
0:1 – Lješković (p) 2’, 0:2 – Puletić 16’, 0:3 – Mijušković 17’, 0:4 – Lješković 22’, 0:5 – Tofić 26’, 0:6 – Vukčević 33’, 0:7 – Mijušković 37’

Moldavija: Artjom Kubani, Pavel Meleka, Jon Gucu, George Platovski, Jijan Savas. Igrali su još: Igor Ševčenko, Maksim Pleska, Oleg Morozan, Nikolae Gucu, Dumitru Cukos, Igor Gavriljuk, Maksim Galeas.
Selektor: Oleg Petrov.
Crna Gora: Igor Knežević, Srđan Petrušić, Lazar Čogurić, Marko Labović, David Puletić. Igrali su još: Irhad Popović, Srđan Drašković, Miloš Koprivica, Nikola Mijušković, Pavle Vukčević, Arnes Lolović, Lazar Kostić, Željko Lješković, Kenan Tofić.
Selektor: Sveto Ljesar.